حکومت نے بجلی 7 روپے 91 پیسے فی یونٹ مہنگی کردی ، حکومت اور آئی ایم ایف کے درمیان سرکلر ڈیٹ مینجمنٹ پلان طے

 حکومت پاکستان اور آئی ایم ایف کے درمیان سرکلر ڈیٹ مینجمنٹ پلان طے پا گیا۔ حکومت نے بجلی 7 روپے 91 پیسے فی یونٹ مہنگی کردی ، حکومت اور آئی ایم ایف  کے درمیان سرکلر ڈیٹ مینجمنٹ پلان طےپا گیا ہے۔

نجی ٹی وی چینل ایکسپریس نیوز کے مطابق پاکستان نے نومبر2023 تک بجلی سہ ماہی بنیادوں پر مہنگی کرنے کاپلان دیدیا، دستاویز کے مطابق حکومت پاکستان آئی ایم ایف کے مطالبے پر بجلی 7 روپے 91 پیسے فی یونٹ مہنگی کرےگی ،فروری تا مارچ تک پہلی سہ ماہی میں 3.21 روپے فی یونٹ مہنگی کی جائے گی ،مارچ تا مئی دوسری سہ ماہی میں بجلی مزید اعشاریہ 69 روپے فی یونٹ مہنگی ہو گی، جون تا اگست تیسری سہ ماہی میں بجلی کے ریٹ مزید1.64 روپے فی یونٹ بڑھائے جائیں گے،ستمبر تا نومبر چوتھی سہ ماہی میں بجلی کے فی یونٹ ریٹ میں 1.98 روپے کا مزید اضافہ ہو گا۔

دستاویز کے مطابق کسان پیکیج کے تحت بجلی کی سبسڈی یکم مارچ سے ختم کرنا ہو گی،کسان پیکج کے تحت سبسڈی ختم کرنے سے 65 ارب روپے کی بچت ہو گی،آئی ایم ایف نے بجلی کی تقسیم کار کمپنیوں کیلئے وصولیوں کا ہدف 90.4 فیصد مقرر کردیا۔

آئی ایم ایف نے بجلی کے تکنیکی نقصانات میں 16.2 ارب روپے کمی کی شرط عائد کردی ، آئی ایم ایف سے بجلی کی تقسیم کار کمپنیوں کی ریکوری میں اعشاریہ 58 فیصد بہتری پر اتفاق کیاگیا ہے،دستاویز کے مطابق مارچ تانومبر فیول چارج ایڈجسٹمنٹ کی مد میں صارفین سے مزید 35 ارب جمع کئے جائیں گے ، مارچ تا نومبر فیول چارج ایڈجسٹمنٹ کی مد میں 14 ارب سیلز ٹیکس کی مد میں جمع ہوں گے ۔