آصف علی زارداری نے کہا ہے کہ سندھ کے ہر گھر میں سولر سسٹم لگوایا جائے گا

کراچی (ویب ڈیسک) گزشتہ روز وزیر توانائی سندھ امتیاز شیخ نے سابق صدر آصف علی زرداری سے کی ملاقات کی ہے جس میں ملکی سیاست اور دیگر امور پر بات کی گئی۔
اس موقع پر امتیاز شیخ نے آصف علی زرداری کو عید کی مبارک باد بھی دی۔
ذرائع کے مطابق ملاقات میں سابق صدر آصف علی زرداری نے کہا کہ سندھ سے غربت، بے روز گاری اور معاشی بدحالی کا خاتمہ کیا جائے۔
آصف زرداری نے وزیر توانائی امتیاز شیخ کو تاکید کی کہ کوشش کریں سندھ کے ہر گھر میں سولر سسٹم لگوایا جائے، سولرسسٹم لگنے سےعوام کو مہنگےبجلی بلوں سے نجات مل سکےگی۔
اس کے علاوہ آصف زرداری کا کہنا تھا کہ چیئرمین پیپلزپارٹی بلاول بھٹو کی قیادت میں ملک کو فلاحی ریاست بنائیں گے۔